МоастагIашкара хьаяьхача тIема машений гойтам кийчбеш дакъа лаьца бIухой белгалбир мехка
НАТО мехкашкара хьаяьхача тIема машений гойтам кийчбеча дакъа лоацаш хинна бIухой гIалгIай паччахьалкхен 100 шу дизарах йолча майдилгашца белгалбир Паччахьалкхен хьалха латтача Сластенин Владимира. Магасерча Аланий доазон тIа боаржабир гойтам укх бетта 2-ча денгара 4-ча денга кхаччалца.
«Гойтам дIахьоча оаш доккха дакъа лацар теркалдаьд оаха, укх массехк дийнахьа. БоаггIача боараме из гIулакх дIахьош хиларах, гойтаме тIакхача ловш бар боккхийбараш а бераш а», - белгалдир Паччахьалкхен зарбан болх лелабераша, премьер-министра къамаьл теркалдеш.
Ала деза, уж еррига хIамаш Россе бIухоша моастагIашкара хьаяьха йолга. Магасерча гойтаме хьажа вена хиннав 20 эзар совгIа саг. Доккхалца хьежар берригаш цу суртага. ХIара хIама мишта, малагIча моттиге хьаяьккхай бIухоша моастагIашкара хатта йиш яр тIема операцен доакъашхошка.
