Географически диктант яздир вай мехка
20.11.2023 10:29
ГIалгIай паччахьалкхен университете дIадихьар географически диктант. ХIанз ийсазлагIа дIахьош ба из къамашта юкъера боккха болам. Цун керттера бахьан - географи яха Iилма наха дезадалийтар, цу оагIонцара лоархIамедараш довзийтар.
«Географически диктант эш наьха цу оагIонцара кхетам лакхбе. ХIара шера дIакхухьаш кхетаче я из. Географеца дувзаденна физически, экономически, социальни оагIонаш чулоацаш хаттараш дар цига.
Шоашта географи мишта йовз хьежар бахархой. Цох чакхбаьннарашта сертификаташ лургда. Университете дIахьоча цу балхо дикка пайда бергба аьнна хет кагирхошта», - дийцар «Сердало» газетага цигарча болхлоша.
ХьатIабоагIача бетта 12-ча дийнахьа дикант дика яздаьраш сайтага гIолла бовзаш хургба.
