«ГӀалгӀай Республике гӀолла йолча МВД лаьрххӀача сайта тӀа дӀабихьар кхадж тассара болх. МоллагӀа вола яхьа доакъашхо вовзаш, цунна карагӀдаьннар фуд ховш, бахархошта юкъе цунна тешал де йиш йолаш вола саг вар кхадж тасса бокъо йолаш», - аьлар тхоца къамаьл даьчо. Вай мехка хӀара шера дӀахьу «Халкъа участкови» яха яхь. Цун керттера бахьан да, шоаш бахача моттигашкара участкови инспектораш бахархошта дикагӀа бовзийтар. Сейнарой Батыра чурча гӀулакхий органашка болх бу ворхӀ шу ха я. Цу юкъа цун вӀаштӀехьадаьннад гонахьарча наха ше везавалийта а ший балха говзал дӀагойта а. Къаьстта нах шийх тешаш хиларах лоархӀ цо, шийна карагӀдаьннача хӀамех эггара керттердар.