Гӏалгӏайче экскурсеш лелаерий говзал лакхъергья
Гӏалгӏай мехка 2025 шера тушола бетта 1-ча дийнахьа, берригача мехка санна чӏоагӏдир экскурсеш лелаерий, гидий, таржамхой балха говзал лакхъяр, яхаш, хоам бу ГӏР кулгалхочун зарбан болх лелабераша.
«Из лоархӏаме да. Вайна эшар да туристий болх дикал йолаш, таханарча замо дӏадеххача беса хилийтар», - аьлар Келаматанаькъан Махьмуд-ӏаьлас, ше уж дешаш дувцаш.
Карарча шера цу тайпара аттестаци дӏайихьар 22 гидаца. Иштта шоашта ховш дар чӏоагӏдир, балха кийчо гойташ, 60 гаргга волча сага.
Йоккха туристически таронаш йолаш, бӏарччача шера тӏаэца кийча я республика Россера а дунен массайолча миӏингашкара а хьаьший.
Мехкадас иштта белгалдир, туристашта республикан сийлен, дагалоаттама моттигаш йовзийта езараш ба, дика кийчо яь бола говзанчаш, царна довзаш хила деза хьамсарча мехка истори, цох сийрда а къаьга а дувца ӏомабенна хила беза уж. Царна болх хар тахкаро таро лургья къайлагӏа лелаю турбизнес гучаяккха, иштта наькъашкара кхерамзлен боарам лакхбе.
