Ханнахьа лорашка чакхбала аьттув ба вай мехкахой
19.12.2023 09:25
Бахархой шоай ханнахьа унахцIенон хьал тахка аьттув хургбараш Iалашдеш ба цу мугIарера болхлой. Из хоам «Сердало» газетага бу Мехкадаь зарбан болх лелабераша.
«Лакха терко лоаттаю тахан юрташка керда дарбанчеш, ФАПаш, амбулатореш хьаеллара гIулакха», - аьлар вай мехкадас Келаматанаькъан Махьмуд-Iаьлас, цу оагIонцара лерхIам бувцача къамаьла юкъе.
Йоккха моттиг дIалоац цу балха ПМКас – дIа-юха лелача, нах чакхбоахаш йолча моттиго. Юрташка бахачарна геттара доккха гIо ду цу. Къаьстта ха яхача, лела низ боацача наха дика аьттув ба из.
Мехкадас белгалдир, ПМК хиларах дуккха нах лорашка чакхбалар. 2024-ча шера, геттара чIоагIдергдолаш, да из гIулакх.
