Ишколаш, берий бешамаш тоаеш; болх дӀахьу мехка
«Кагирхойи бераши» яхача къаман проекта «ДикагӀа мел дар берашта» яхача моттигерча проектага гӀолла мехкара ишколаш, берий бешамаш тоаеш болх дӀахьоргба мехка. «Сердалога» из хоам бир Мехкадаь зарбан болх лелабераша.
Карарча хана, тоае дӀайолаяьраш бархӀ дешара моттиг я: Наьсарера № 9 йола, Яндарера № 3 йола, Долакха-Юртара №2 йола ишколаш, Наьсарера № 10 йола ишкол-берий беш, иштта куц тоадеш меттайоалаергья Эбарга-Юртара № 2 йола ишкол, Арштера ишколаш.
Тоаергья Илдарха-ГӀалий тӀара № 2 йола «Берилг» яха берий беш, Наьсарера № 5 йола берий беш. ТӀера тховнаш, кораш, наӀараш хувцаш боккха болх ба дӀахьоргбар, иштта хувцаргда йӀовхал лоаттаду гӀирсаш, хин турбаш, лагӀай гонахье. Керда тока саьргаш чудахка лерхӀ, видеотӀахьожам а массадолча гӀаташка интернет хургья цига.
Деррига балхаш 2025-ча шерарча ахкан тӀехьарча бетта 25-ча дийнахьа йистедала дезаш да.
