ГӀалгӀайче дийцар, россен мехка бахаш бола кхыча мехкара нах тӀаэцара дош. Цига дакъа лоацаш хилар «ЦаI йолча Россе кхалнаьха болама» федеральни проекта, вай регионе из болх лелабеш йола БӀарахой Мадина, иштта цига дакъа лаьцар «ЦаI йолча Россе» моттигерча исполкома викалаша, республикан къаман культуран автономе викалаша, юкъарлон, дин хьехача болхлоша, бокъонаш лораераша, хьинар долча кагирхоша. «ДӀа-юха къамаьл деш; шоайла къамаш а, цхьан мехка бахаш бола нах а, юкъарлонаш а тарлуш хиларах дийцар; вайцига бахаш болча нахи моттигера бахархойи шоайла кхеташ хилар эшаш долга белгалдир. Укх тайпара кхетаче шоайла хетар дӀа-юха алара йола дика майда я, иштта российски юкъарлонна культурни оагӀув дегӀайоалае таро а лу цо, цул совгӀа, вай юкъарлонна болх а чӀоагӀлу», - аьлар БӀарахой Мадинас, ше «Сердало» газета болхлочунца къамаьл деш.