Кагирхошта юкъе нийслуча кхоачамбоацарех, дийцар республике
Кагирхой гӀулакхех йолча республикерча комитете дийцар, таханарча дийнахьа къонабарашта юкъерча кхоачамбоацарех. Из хоам «Сердало» газетага бир цу моттигерча болхлоша.
«ДӀайихьача кхетаче комитета кулгалхо волча Малсаганаькъан Адама дийцар, тахан кагирхой вахаре нийслуш долча кхоачамбоацарех. Карарча хана уж тӀатеӀӀа къахьегаш ба, студентий, болх беш болча кагирхой ахчаш телача яхьашка дакъа лаца аьттув хургболаш, иштта дешархошца царна пайдане хргйола кхетачеш дӀакхухьаш.
Керте лаца дезарех да, кхувш латтача тӀехьен, зехьа ха ца йоаеш, цхьацца пайда хургбола гӀулакхаш леладе аьттув хилар. Кхетаче чакхйоалаш, кулгалхочо тӀадиллар, хӀара оагӀон тӀехьа къахьегаргдолаш къоастаяь тоабаш хила еза, аьнна. Иштта болх дикагӀа дӀагӀоргба», - дийцар тхога цу моттига зарбан болх лелабеча ГӀулой Аминас.
