ГӀалгӀай къаман
юкъара газет

Кердадараш

Ишколаш книжкашца Ӏалашъяра дош дийцар

09.10.2023 13:42

Укх деношка сенатора БӀарахой Мухарбика вIашагIкхетар хилар гӀалгӀай паччахьалкхен вице-премьераца, Ӏилмани дешареи министраца Боканаькъан Аьсетаца.

«Бераш вай кхоане я, уж лерттӀа дегӀабоалабара, царга дешийтара, кхетам балара воашта могар де дезаш да вай», - аьлар сенатора. «Таханарча денна, еррига ишколаш эшаш долча книжкашца Ӏалашъяь я, уж ца тоъаш хӀама дац. Цул совгӀа, ишколашка эшаш дола книжкаш хилар вай кулгалхочо керттера декхар лоархӀаш хилар ларде а лоацаш, из дош даим тӀахьожам лоаттабеш да», - аьлар министра Боканаькъан Аьсета. Белгалдаккха деза, карарча шера «САФМАР» оалача ганза, иштта наха гIо-новкъостал деш хьавоагIача Гуцаранаькъан Микаила новкъосталца цхьоалагӀча, пхелагӀча классашка, иштта кӀезиг-дукха ворхӀлагӀча классашка, 10-11 классашка дагӀача берашта дешаргаш эца таро хилар. Царга дӀадахар да 172 802 169 сом».

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде