Укх шерара къаман проекташ мишта кхоачашъю дийцар мехка
Премьер-министр волча Сластенин Владимира кулгал деш, аргӏанара кхетаче дӏахьош хилар мехкарча паччахьалкхе. Цига дийцар укх шера къаман проекташка, федеральни программашка гӏолла кхоачашде дезарех. Цу оагӏонца дувзаденнарех дувцаш къамаьл дир кхетаче моттигерча проектай офиса кулгалдеча Малсаганаькъан Бек-хана.
«2026-ча шера къаман проекташта лаьрхӏа вай республиканна хьахьожадаьр 5 млрд 788 млн ахча да. Цу оагонцара болх таханарча дийнахьа дика дӏабодаш ба ала йиш йолаш да вай. 4 млрд ахча чулоацаш болх къоастабаь ба тахан, дерригача ахчан тӏара 70% хул из.
Хӏаьта кассови оагӏонцара болх дӏабахьар 18,6% тӏа латт карарча хана», - дийцар «Сердалога» регионерча Паччахьалкхе. 12 къаман проектага гӏолла болх боаржабеш я тахан республика. Цу юкъе я унахцӏенон, дешара, кагирхой политикан, туризма, таьрахьашца дувзаденнарий, экологен, экономикан оагӏонашцара моттигаш.
Сластенин Владимира кхетаче белгалдир, болх дӏабахьар юххьанца къоастаяь латтача ханага хьежжа хила дезилга. Иштта цо теркалдир, проекташ йоаржаяра балха лакха тӏахьожам беш болга, деррига а боаггӏача боараме кхоачашдеш хила дезилга.
