Программировани еча электроника чемпионате котбаьннарий цӀераш хьакхайкайир
«Электрон-2025» яхача республикерча чемпионате котбаьннарий цӀераш яьхар. Из хоам «Сердалога» бир «Кванториум» яхача технопаркера.
«Коталонга бодача наькъ тӀа радиоэлектроникаца, электроникаца дувзаденна массехк декхар кхоачашде дезаш хилар 6-ча, 7-ча классашкара дешархой. Эггара хьалхарча оагӀонца, сердал лакхагӀа хилча лоталуш йолча светодиодацара болх нийса тоабе безаш дар бераш, цул тӀехьагӀа электронни гӀирсашца цхьаькха болх чакхбаккха безаш бар», - йоах хоамо.
Цул тӀехьагӀа, хин боарам, температура хойташ бола болх чакхбаккха безар LM35 датчикаца. Яхье котало яьккхар Джандаранаькъан Мухьмад-Басира, шоллагӀа моттиг Бидери Сейд-Хьамзата елар, хӀаьта борза - Досхой ИбрахӀима, Джандаранаькъан ИбрахӀима юкъе дийкъар.
«Пайка» яхача даькъе хьалхарча оагӀонцара диплом делар Эстемиранаькъан Сахара, шоллагӀча моттиге Тоачанаькъан Мурад эттар, кхоалагӀча лагӀа тӀа ваьлар Досхой ИбрахӀим.
