«Турпалхо» яхача яхьа бархӏлагӏча бӏале котбаьннарий цӏераш яьхар
Кагирхошта лоархӏаме гӏулакхаш довзийташ долча «Турпалхо» яхача тӏема оагӏонца дувзаденнарий яхьа бархӏлагӏча туре котбаьннарий цӏераш яьхар мехка. Из хоам «Сердалога» бир кагирхой гӏулакхех йолча комитета болхлочо Хьулахой Адама.
«Цу бӏале шоай низ, говзал гойташ хиннараш бар Пхьилекъонгий-Юртарча №2, Яндарерча №2, Илдарха-Гӏалий тӏарча № 4 йолча ишколашкара дешархой. Биъ оагӏонца шоаш дӏахьокхаш, иштта саг чувоацаш гӏетташ долча гӏирсашца болх бе хар гойташ хилар дешархой, шоай мел бола низ ӏобилла. Хӏаьта хьалхара моттиг яьккхар Илдарха-Гӏалий тӏарча №4 йолча ишколерча бераша», - йоах тхога бенача хоамо.
«Низ болаш хиларал совгӏа; кадай, кӏоарга, нийса уйла еш, ха ца йоаеш чакхдаккха дезаш гӏулакх дар из», - белгалдир кагирхой гӏулакхех йолча комитета болхлоша.
