Олимпийски чемпиона Манкенаькъан Назира хетаяь яхь чакхъяьлар
Манкенаькъан Назира цӀерах дӀайихьача эллиной-румий латарах йолча яхьашка 50 майдилг яьккхар спортсменаша. Из хоам «Сердало» газетага бир спорта гӀулакхех йолча министерствос.
«160 гаргга спортсмен хилар «Магас» яхача спорта Двореце шоай говзал гойташаш, уж бар 18 шерал дукхагӀа ха яьнна. Царна юкъера 35 саг вай мехкарча эллиной-румий латарах йолча ишколе Ӏомалуш хиннавар. 10 майдилг йоаккхаш белгалъяьлар вайцигара тоаба. Геттара лакха говзал гойтарех бар Налганаькъан Ислам (45 кг), Къоастой Асланбек (51 кг), Йовлой Ӏаддал (42 кг). Дотув даьккхараш – БӀарахой Мухьмад (51 кг), Налганаькъан Ислам (60 кг). Борза майдилгаш кхаьчараш- Бохтаранаькъан Ӏумар (42 кг), Хамченаькъан Мансур (45 кг), Оздой Ӏумар (55 кг), Овшанаькъан Ӏимран ( 92 кг), Муцолганаькъан Рахьим ( 120 кг)», - дийцар тха газетага.
Цул совгӀа, республикерча паччахьалкхен кулгалхочун хьалхара гӀонча волча Йовлой Мухьмада, спорта латарах йолча Федераце вице-президент волча Ведажанаькъан Темарлана, Янданаькъан Султана, Москверча мецената Саидов Султана ахчан совгӀаташ делар котбаьннарашта.
