ГӀалгӀай къаман
юкъара газет

Кердадараш

Шолжа кхале дегӀайоалаяра таронашка а декхарашка а хьежар

ГӀалгӀай Республикан Кулгахо; боахамий, гӀулакхий викалаш; Шолжа кхален администраце кулгалхой, юкъара болх бераш болаш, кхетаче дӀахьош дийцар; из дегӀайоалаяра йолча таронех, декхарех, яхаш, дийцар «Сердало» газетага Мехкадаь зарбан болх лелабераша.

«Россе Президента хьалхаяьха къаман проекташ кхоачашъяра долча хаттараш тӀа сайцар. Уж проекташ бахьан долаш, 2019 шера денз, Шолжа кхале кхоъ ишкол, кхоъ берий беш чуйолаш хьалъяь керда гӀишлош я, иштта керда хьалъяьй амбулатори, хӀанз болх бе дӀайолаеннай из а. 93 км дӀаьха дола наькъаш тоадаьд, цхьан сменах 100 сага лаьрхӀа йола амбулатори болх бе йолаеннай. Кхы а дукха да де дезараш.

Бакъда «УнахцӀено», «Дешар», «ДегӀадар» яха къаман проекташ хиларах, хьалхашка латта декхараш дикка аттача доал», - аьлар Келаматанаькъан Махьмуд-Ӏаьлас. Цо белгалдир, законах доацаш лаьтташ хьалувцаш илар мо дола хӀама соцадара декхар кхоачашде дезаш латт, аьнна.

Карарча хана, из кхоачашдеш дале а, цу юкъе доал деча даькъ тӀарча кулгалхоша а цахаддаш дакъа лаца деза. ДӀахо къамаьл деш белгалдир, социальни гӀишлош хьалъеш хиларо - ишколаш, культуран цӀенош, берий бешамаш, тайп-тайпара спортивни гӀирсаш - новкъостал ду сага вахар аттача даккха.

Иштта Махьмуд-Ӏаьлас хьоахадир юртбоахам дегӀабоагӀаш хилар, укхаза болх беш я йоккхий комплексаш «Шолже», «Йоккха сомий беш». Мел дийцар а иштта гулбеннараша даь къамаьл а дӀачӀоагӀдир каьхата тӀа, цу тӀа дӀахо Ӏаьдало а бехктокхамерча гӀулакхаш тӀарча наха а къахьегаргдолаш. Махьмуд-Ӏаьлас белгалдаьккхар; тахан хиннача кхетачен чаккхе, хьалхашка оттадаь декхараш кхоачашдар хургья, аьнна.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде