ГӏалгӀайчен суртий фусаме, эшаш дола гӀирсаш оттадир
ГӏалгӀай мехка кердаяьккхар цаӀ мара йоаца республикан исбахьален фусам; РФ культуран Министерствос, «Культура» яхача къаман проекто хьаллоацаш.
ГӏалгӀай Республикан Кулгалхочун, Паччахьалкхен зарбан болх лелабераша яхачох, кердаяьхар гойтама залаш, суртий ганз лораяра дакъа. ЛаьрххӀа дола технически гӀирсаш оттадаьд, цу юкъе шелалга-йӀовхалга хьожаш бола гӀирс а болаш, интерактивни оагӀонаш я хӀара гойтама лаьрхӀа.
Къаьстта терко тӀаозаш я эггара кӀалхарча этажа тӀара интерактивни витрина, цига хьажархой таро я сурташ «дийнде», вӀалла ца хиннача тайпарча искусствон дунен чу а боалаш.
ГӏалгӀайчен Кулгалхочо Келаматанаькъан Махьмуд-Ӏаьлас аьлар, гойтама центр искусство езаш бараш тӀахьехаш хила еза.
«Укхаза хьабоагӀача наха бовза беза керда кхетам, шоай мукъа ха пайдане хургйолча тайпара дӀахьош. Къаьстта цунна тӀакхувш хила деза вай», - аьлар мехка Кулгалхочо, цу хьакъехьа ше къамаьл деш.
