ТӀема доакъашхочун дас ший могашал меттаоттайир дарбанче
03.07.2024 14:37
Кхалерча дарбанче ший унахцӀенон хьал меттаоттадеш хилар тӀема операцен юкъе вахар хаьдача Зурабанаькъан Ӏусмана да. Цо ше дийцачох, воӀ веннав аьнна хоам бенача дийнахьа денз, хоалуш телхар цун дегӀа хьал. Из хоам «Сердалога» бир «Даьхен Лорбой» яхача ганзо.
«ЖӀайрахьарча дарбанчен кулгалхошца воӀ дӀаваьннача саготонна могашал эшаеннача Ӏусмана дарба деш, де йиш мел йола гӀо деш, хилар ганза филиалера болхлой. Карарча хана, дарбанчера цӀавена, цӀагӀа дӀахо дарба деш ва воӀ дӀаваьнна да», - йоах хоамо.
ЗӀамагӀвола сержант волаш, тӀема операцен доакъашхо хиннача Зурабанаькъан Мовсара вахар хаьдар, тӀема юкъе дӀа-хьа дов деча. Денала орден луш белгалвир майра бӀухо.
