«Цу проекта автора, дика вовзаш волча суртанчас Пхьиленаькъан Заура гойтар 15 зизай, 35 боккхийча наьха сурташ, цо уж доахаш къахьийгад, ши шу ах шу совгӀа йолча хана. Цунна баркал ала, иштта балхаш го а баьхка хилар новкъостий, боккхийбараш. Ювца кхетаче дӀахьош я РФ театральни болхлой Союза Паччахьалкхен стипенди хилар бахьан долаш.

Мехка бахархошта, хьаьшашта суташ доахача Заура балхаш го йиш я ГӀалгӀайчен исбахьален искусствон Паччахьалкхен музее, тов бетта 23-ча дийнахьа»,-аьлар тхога хоам баьчо.

«Сево сомабоаккх къоаной сурташ дахарцара безам? Цар шоаш сомабоаккх. Сона хоза хет царга ладувгӀаш, цар цхьацца дола хӀама дувцача хана, царех хӀаране ший тайпара вахара никъ ба, цкъаза атта, цкъаза чоалхане хул из. Къаьнарча вахара халонаш яйна нах хӀанз дукха бисабац, цудухьа цар хьаькъале хьехамаш тахан мах болаш да. Сона керттера хетар -беррига ха яха нах сурташка гӀолла гойтар, цу тайпара архив хьа а кхоллаш», - аьлар Пхьиленаькъан Заура.