МВД болхлойх дагалоаттама Ди долаш, гойтам хьабийллар
21.06.2024 17:10
Укх деношка ГӀалгӀайче дагабехар, шоай балха декхар кхоачашдеш байнараш. Наьсарерча дагалоаттама, сийлен Мемориала комплекса болхлоша кийчбир, МВД болхлой дагалоаттама Ди хиларца бувзабенна, цар балха тӀа нийсденна терроризма хьал довзийташ бола гойтам, яхаш, дийцар «Сердало» газетага ГӀалгӀай Республикан культуран Министерствос.
«Вахаре массаза я денал гойта моттиг» яха цӀи йолаш, гойтам кийчбир цар таханарча заман турпалаш бовзийташ.
Цу культуран моттиге баьхкарий таро хургья милиционерий вахар, царна карагӀдаьннар, цар балха тӀа даьха толамаш довза», - йоах хоамо.
