ГӀалгӀайче хьайийллай паралимпийски комитета моттигера отделени
17.10.2023 16:22
Укх деношка хьайийллар моттигера паралимпийски комитета отделени, яхаш, хоам бу «Сердало» газетага ГӀалгӀай республикан физически культуран, спорта министерствос. «Из хьаеллар могашал эшаеннача наха доккха гӀулакх да, из дикача оагӀорахьа Ӏаткъаш хургда регионе паралимпийски болам дегӀабоалабара.
Комитета кулгалхо хьожаваьв Россе спорта мастер Дзорматанаькъан Ӏалихан. Цул совгӀа, цу комитета чубоагӀаш ба ГӀалгӀай Республикан спорта министерствон дукха нах юкъеозача физически культуран отдела кулгалхо Мархенаькъан Мухьмад, цу тайпарча физически культуран отдела говзанча Овшанаькъан Темарлан, Олимпийски чемпион Халмарзанаькъан Хьасан, Россе спорта цӀихеза говзанча Халмарзанаькъан Хьусен.
Спорта болхлой декхарашта чудоагӀаш да, спортивни яхьаш дӀаяхьар, ГӀалгӀайчен тайп-тайпарча юрташка паралимпийски ловзараш дӀадахьарга кийчбар», - аьлар мехка спорта кулгал деча моттиге.
