Гӏалгӏайче хьайийллар «ЭтноКэмп: дегӏаахара доазув» яха кхетаче
Гӏалгӏайче хьайийллар Ерригроссийски кагирхой «ЭтноКэмп: дегӏаахара доазув» яха кагирхой кхетаче. Цхьан даькъ тӏа гулбелар Даькъастен, ХМАО-Югры кхаччалца мехка эггара тайп-тайпарча миӏингашкара хьинардараш. Из проект дӏахьош я регспубликан Миннаца дакъа лоацаш.
«Кхетаче дӏаяхьара маӏан - халкъашта юкъера барт, цхьоагӏо чӏоагӏъяр, Россе къамий культуран тӏехьале лораяр, иштта кагирхой дагалаттар кхоачашдар. Доакъашхой болх вӏашагӏбеллаб кхаь даькъаца: «Этномедиа», «Этнохалхараш», «Этнобизнес». Дешара программа кхоачашъяра чудоагӏаш, кагирхой таро я лекцешка, говзанча хьехамашка, къамаьл деча даькъ тӏа дакъа лаца. Кагирхошта ховргда Россе къамий культурай дукхал, ӏадаташ мишта гойтаргда укх заман медийни, кхоллама кепашка. Кагирхошта юкъе къамашта юкъера хьал дувцар, из дегӏадоаладара хаттараш кхоачашдар тха балха юкъе эггара лоархӏамегӏа да», - аьлар «Сердало» газетага Гӏалгӏайчен Миннаце.
Кхетачен доакъашхоша шоайла бовзийтаргба шоай дикагӏа бола болх, вахаре юкъедоаккхаргда юкъарлон хетар, шоай дакъа юкъедахьаргда Россе къамаш кхотадеш. Кхетаче дӏахьош я Роскагирхой моттиго хьаллоацаш.
