Грантех латтача яхьашка, хьокха оттадаьча балхашка хьежар Мехкада. Вай мехкара гӀулакх дезаденнача хьаьшашта баркал аьлар цо. Къамашта юкъера вӀашагӀкхетараш, иштта кхыйола культуран оагӀонцара кхетаченаш мехка дӀакхахьарах хьоахадир кагирхоша республикан кулгалхочунга», - йоах хоамо.

«Вай дерригаш цхьа боккха дезал ба. ХӀаране, даьцара, наьнацара, йишийцара, лоалахочунцара гӀулакх мишта лораде деза гойташ дола ше-ший гӀулакхаш, Ӏадаташ, оамалаш я. Наха юкъе дӀаараваьлча, кхыйола бокъонаш я. Къаман Ӏадаташ лоархӀаш хиннад вай мехка. Россе гӀулакхаш лорадеш, вӀаший барт, бувзам чӀоагӀбеш даха деза вай», - белгалдир Мехкадас. Теркалде деза, республикан кулгалхо цу кхетаче даьсса кулгаш хьаллаьца ца венилга. 5 устагӀеи Галай Фатимас цӀагӀа хьаяь 100 кӀопилг шоколадаши яхьаш вера цига вай Мехкада.