«Къоначар эскара» итт шу дузаш, Даьхенцарча безамах йола кхетаче хилар мехка
«Къоначар эскар» яхача ерригача Россе болама итт шу дизара хетаяь Къилбаседа Кавказа федеральни оагӏон Даьхенцарча безамах, лерхӏамах йола кхетаче хьайийллар мехка. СКФО ворхӏ регионера хьинаре, кадай бола къонабараш цхьан доазон тӏа гуллуш ди дар из.
«Хьалхарча дийнахьа вӏаший бовзаш, цхьан тоабан доакъашхой хиларга дӏаӏамаш хилар къонабараш. Лоархӏаме моттиг дӏалоацаш хилар кхетаче хьаеллара юхьиг. «Къоначар эскара» Керттерча штаба кулгалхочун гӏонча волча Басити Заурбека, мехкарча кагирхой гӏулакхех йолча Комитета хьалха латтача Пхьошанаькъан Зоврбика къамаьл дир гулбеннарашка вӏашагӏкхетара болх дӏаболаболийташ», - йоах «Сердалога» цу гӏулакха хьалха латтарашкара бенача хоамо.
Шоай низ, денал, кадай хилар, сиха уйла е хар малагӏча боараме латт хьагойташ йола программа йоаржае эттар къонабараш хьалхара дакъа чакхдоаллашехь. Гойтама балхаш, лекцеш, иштта кхыдола дукха гӏулакхаш дар дӏахо царга хьежаш, уж чакхбала безаш.
