Самбо зал хьайийллар вай мехка
09.02.2024 10:54
Самбо езарашта хоза кхаъ хулаш да, цу латарах йола зал вайцига хьаеллар. Из хоам «Сердало» газетага бир спортахи физически культурахи йолча министерствон болхлоша.
«Самбо зал хьаеллача дакъа лоацаш хилар республикерча Халкъа Гуллама кулгал деш вола ТӀумхой Мухьмад, спорта гӀулакхах йолча министерствон кулгалхочун гӀонча вола Султиганаькъан ТӀахӀир, «ЦаӀ йола Росси» яхача партера хьаьший. Магасерча паччахьалкхен университета доазон тӀа из зал хьаеллара хьалха эттар вар парламента спикер, «Za самбо» яхача федеральни партийни проекта юкъарча совета кулгал деш вола ТӀумхой Мухьмад», - йоах тхогарча хоамо.
Тайп-тайпарча моттигашкара баьхкача вай спортсменаша самбох йола говзал гойтар гулбеннача хьаьшашта.
