Кинофестиваль дӀахьоргья вай мехка
27.09.2023 10:35
«Дошо гӀала» яха кинофестиваль хьаелларгья вай респблике, хьатӀабоагӀача бетта 24-ча дийнахьа. Тайп-тайпарча моттигашкарча кинематографисташа оттадаьча балхашка хьажа аьттув хургба вай бахархой, хӀаьта кхелахоша эггара дикагӀа бола болх хоржаргба.
«Россерча культурах йолча министерство, респбликерча министерство, РФ кинематографистий Союзо, «ГӀалгӀайкино» яхача кинокомпане кхайкадаьд, кинофоруме дакъа лаца безам бараша дехар хьачудала деза, аьнна. Лакха начӀал дола кинемотографисташ хьаллоацаргба цу фестивале. «Полнометражни кино», «Лоаца кино», «Документальни кино», «Къилбаседа –Кавказера дикагӀа дола кино», «ДикагӀа дола гӀалгӀай кино», «Анимационни кино» яха номинацеш хургья фестивале. 2020-ча шерал тӀехьагӀа даьха кинош да цига хьокха дезараш. Дехараш дӀачуийдергда 20-ча денга кхаччалца», - дийцар тхога министерстве.
