Шолжа-Шахьара кулгалхочун гӀончанна карагӀдаьнна дика гӀулакх белгалдаьккхар
09.09.2024 15:57
«ГӏалгӀай мотт юхьмарашца, дешашца» яха республикан проект кхоачашъеча дакъа юкъедахьарах, иштта ГӏалгӀайчен кагирхой политика дегӀайоалаеча лакха говзал гойтарах, ГӏалгӀай Республике гӀолла йолча Ерригроссийски къамашта юкъерча кагирхой союза кулгалхочо Оздой Инала сийлен грамота елар Шолжа-Шахьара кулгалхочун гӀонча волча Заьзганаькъан Мусайна, яхаш, дийцар «Сердало» газетага цигарча администраце.
Белгалду, «ГӏалгӀай мотт юхьмарашца, дешашца» яха проект лаьрхӀа я; гӀалгӀай мотт дикагӀа кагирхошта юкъе боаржабара. Цу проекта чуйоагӀаш, дешара моттигашка тайп-тайпарча боараме кхетаченаш дӀахьу, кагирхой теркам гӀалгӀай метта тӀаоза лаьрхӀа.
