ГӀалгӀай мехка, баркал оалаш, безбир «Хьалхарчар боламца» къахьегараш
Укх деношка, «Хьалхарчар болама» гӀалгӀай даькъа говзанчаш безбир, цар дика къахьегарах, яхаш, дийцар «Сердало» газетага цигарча зарбан болх лелабераша.
«Наьсарен-Шахьара администраце даькъ тӀа гуллам дӀабихьар, цига дийцар 2024 шера йоккхий проекташ кхоачашъеш баьча балхах, иштта дӀахо де дезачох», - йоах хоамо.
Толамех дувцаш, шахьара кулгалхочо Оздой Руслана баркал аьлар, ГӀалгӀайчен кагирхой болам дегӀабоалабеча даькъ тӀа къахьегарашта. Цо сийлен грамоташ, ахчан совгӀаташ делар, цу гӀулакхаца белгалваьннача массехк сага.
«Кагирхой хьаллаца беза, цар шоай масалца кхувш боагӀарашта, саг мишта хила веза дӀагойташ хиларах. Иштта массе оагӀорахьара новкъостал дергда, начӀал долча кагирхошта, царна мел эшаш дола хьалаш хьакхолларгда», - аьлар Оздой Руслана.
