Газ лоаттаю нах белгалбир республике
Газаца бувзабеннача балха тӀа къахьегарашта 85 совгӀат делар. Шоай гӀулакх бехктокхаме, боаггӀача боараме дӀахьош бола болхлой белгалбар мехкдаьттан, газа оагӀонца къахьегарий Денна хетадаь дар. Из хоам «Сердалога» бир «Газпром межрегионгаз Наьсаре» яхача моттигера. Болхлошта совгӀаташ дӀаденнараш бар энергетикахи, ЖКХ оагӀон балхахи йолча Министерствон кулгалхо Лоалахой Ахьмад, «Газпром газйоаржаяр Наьсаре», «Газпром межрегионгаз Наьсаре» яхача оагӀон хьалха латта Лаьнанаькъан Элберд.
«Тахан оаха тхоай болхлошта денна совгӀаташ, цхьа кӀеззига терко яр мара дац, цар дӀахьоча доккхача гӀулакхага диллача. Вай фусамашка хӀара денна йӀайха, безаме хургйолаш къахьегаш ба уж нах. Беркате, аьттув болаш хилба цар болх! Могаш, маьрша болаш, иразе бахалба уж дуккхача шерашка», - аьлар Лаьнанаькъан Элберда.
