«Даьхен лорбой» яхача ганза балхах дийцар мехка
«Даьхен лорбой» яхача моттигерча филиала кулгал деча Оздой Муслима баркал аьлар тӀема операце ветераний Ассоциаце; бӀухой оагӀув хьаллоацаш, цар цӀагӀарча наьха хьашташ кхоачашдеш къахьегарах. Из хоам «Сердалога» бир цу моттигера.
Ветераний бокъонаш лораяра тӀехьа къахьегарах, доккха баркал аьлар ветераний Ассоциацена кулгал деча Саккхаланаькъан Мусас.
ТӀема аренашкара цӀакхаьчача бӀухошта эшар Ӏалашдеш, цар вахара хьал аттачахьа даккха гӀерташ, болх лоаттабу шинна моттиго. Ганза моттигерча филиало хьехамаш, семинараш дӀакхухьаш, Ассоциаце доакъашхошта лорашкара, юридически оагӀонгара, иштта кхыйолча моттигашкара гӀо хургдолаш, фу де деза хьалхадоах. Иштта дӀакхухь ветеранашта юкъе спортацара, культуран оагӀонцара кхетаченаш.
Саккхаланаькъан Мусас белгалдир, тӀема операце ветераний вахарера кхоачамбоацараш тоадара тӀехьа цхьана болх беш, царна терко лоаттаеш, къахьегаш ба шоаш, аьнна.
