ГӀалгӀай къаман
юкъара газет

Кердадараш

РФ герзашцарча низий министерствон грамота елар Бохтаранаькъан Мадинайна

ВВПОД «Къона эскар» яхача мехка оагӀон штаба кулгалдеча Бохтаранаькъан Мадинайна РФ герзашцарча низий министерствон грамота елар. Из хоам «Сердало» газетага бир республикан кабмино.

«ТӀалатта РФ тӀема декхараш кхоачашдара тӀехьа гӀо дарах йола грамота цу оагӀон хьалхалаттача Шойгу Сергейс кулг яздаь я». «Бакъдолчунца ба низ» яха цӀермашин вай мехка кхачара хетабаьча боламе, дӀаелар грамота. Белгалде деза, къона эскархой цига доккха дакъа лоацаш хиннилга»,- йоах тхогарча хоамо.

Дагалоаттама кхетаче йолаш, Наьсаре тӀема хӀамаш хьокха оттаяь гойтам бар, шоай лоӀамца тӀема декхараш кхоачашде баха ловраш хоржаш моттигаш яр, «Военторг» яха чаьтараш, тӀема аренашка ноанал ду моттиг, иштта кхыдараш а дар цига. 

ЦӀермашиний вокзале хьайийллаяр тӀема доакъашхошца къамаьл дайташ йола моттиг, «ТӀем тӀа каьхат дахьийтар», «ТӀемах дола сурт» яха боламаш дар дӀахьош.

«Даьхе лораяр яхаш, болх ба вайна!», «Эггара лоархӀамегӀа дола къамаьл» яхача оагӀонцара болх бар болабаь. Дешархоша, тӀема декхараш кхоачашдераша, гӀо деш лелараша, иштта кхыбараша дакъа лоацаш хиннача цу гӀулакхо хьагойтар, Россе къамаш шоайла барт, бувзам болаш, Даьхен сий лорадеш, латтаргдолга.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде