ГӏалгӀай мехка дагалаьцар, бейна беррига чурча гӀулакхий болхлой
ГӀалгӀайчен бахархоша, дага а боагӀаш, лораду, шоай балха декхар кхоачашдеш бейнача бокъонаш лораеча болхлой сий. Дагалоаттама ди хиларца дувзаденна, Малсаганаькъан Тухана цӀерагӀча Паччахьалкхен мехктохкама музея болхлоша дешархошцара къамаьл вӀашагӀделлар, яхаш, дийцар «Сердало» газетага цигарча зарбан болх лелабераша.
«Шоай балха декхараш кхоачашдеш, бейнача Россе чурча гӀулакхаий болхлой Дено тешал ду, денал долаш, турпалаш уж хилара, цар шоай масалца хьагойтад хьамсара мохк мишта лорабе беза. Ондаргашца къамаьл деш, музея кулгалхочун гӀончас Пхьиленаькъан Аьсета дийцар шоай декхар дизза кхоачашдаьча нахах лаьца, вай кхоане, вай вахар сийрда хилийтара юкъе цар доккха дакъа дӀалацарах», - аьлар хоамо.
Аьлтий-Юртарча №7 йолча юкъерча ишкола экскурсовода Пхьиленаькъан Далегара хайра царна 2024 шера аьтинга бетта 21-ча бус МВД гӀишлонна, Ӏаьдала моттигашта гӀаьрхой чухьийлха хилар, цу хана 93 саг вийра, царех 67 саг тӀема даькъа викалаш бар.
