«Къамаьл деш, ишколай хьехархоша боккха теркам тӀабохийт дешархой харцахьарча наькъ тӀа цабалийтара, хӀана аьлча къаьстта цу хана геттара корзагӀбоала ха я цар, вахарца бувзабенна харцахьара никъ цар хьалацар кхерам бола ха я из.

Дикадар хьалхадаккха лаьрхӀа, Илдарха-ГӀалий тӀарча №3 йолча юкъерча ишкола 8-ча классашка дагӀача берашта, из хьехам бир, кинолента гойташ, иштта дийцар цунга гӀолла бӀаргадайна хиннар харцахьа долга. «Наркотикаш. Царга балара къайленаш» яха фильм гойтар царна, цунга хьежачул тӀехьагӀа, бераша кхетадир цох хьадоала зулам, наркотикаш мел унзара лазар да», - йоах хоамо.