«Хьалхарчар Болам» яхача вайцигарча берий совета балхага хьежар
21.03.2024 15:14
ГӀалгӀайче духхьашхара кхетаче хилар «Хьалхарчар Болам» яхача моттигерча берий совета, из дӀахьош, хьалхарча кхаь бетта баьча балхах дийцар. Цу тайпара хоам «Сердало» газетага бир хӀарман болама моттигерча штаба зарбан болх лелабераша.
«Заседане дакъа лоацаш хилар Федеральни совета доакъашхо Ӏумарахьажанаькъан СаӀид, 2024 шера Дерригдунен кагирхой фестивала доакъашхо Хьоашаланаькъан Хаьди, моттигерча берий совета кулгалхо Овшанаькъан Адель. Цу кхетаченна чуйоагӀаш, цар йийцар «Хьалхарчар Болам» яха керда проекташ, иштта моттигерча болх нийса дӀабахьийтара йолча совета е езача кийчонах, цу кхетачене берий совето малагӀа дакъа лаца деза.
Ерригроссен берий болама балха юкъе хоамий оагӀув хилар а, чӀоагӀа лоархӀаме да», - йоах хоамо.
