«Коммунальни даькъ тIа низ дукхагIа тIагIоргба, аьнна хеталора, салоIача деношка. Из бахьан долаш, хьем боаццаш гIо ду штаб вIашагIъеллаяр, лаьрххIа наьха хьашташ кхоачашдара, шоай ханнахьа бахархой хаттарашта жоп дала таро хургйолаш. Свет, газ, хий хургдолаш; массайолча оагIорахьара хьалаш Iалашдаьдар», - аьлар республикан Кулгалхочо Махьмуд-Iаьлас, салоIача деношка хьем боацача штабо баьча балха мах беш. Цо хоам бир; из хьал шийна довзаш дар, аьнна.

Махьмуд-Iаьлас белгалдир мехка бахархой сакхетам болаш а, цу хаттарца лерхIам болаш а хилар.

ГIалгIайчен кулгалхочо аьлар, гIирсашца, коммунальни даькъ тIарча балхаца дувзаденна хаттараш 2-3 шера кхоачашдаь даргда, дIахойодача хана коммунальни хьалаш лерттIа хургда.