«Лакхерча лагӀа тӀа баьлар «Оршот» яхача тоабан доакъашхой, шоллагӀа моттиг кхаьчар «Блэк аут» яхача тоабанна, борза майдилг яьккхар «Магасера кӀаьнкий вӀашагӀкхетар» яхача тоабан доакъашхоша.

Къилбаседа Кавказерча ийс тоабан юкъе, шин дийнахьа лаьттар уж яхьаш. Кхетама боарам хьагойташ долча ловзара юкъе эггара хьалха нийсбеннабацар дукхагӀбараш. Ставрополера, ХӀирий мехкара, Нохчашкахьара, Селий мехкара гулъенна тоабаш яр цига. Вай мехкара йиъ тоаба яр.

Темербенаькъан Мухьмада кхелла «КЛИО» яха кхетама ловзарий гӀалгӀай клуб яр из кхетаче дӀайихьар. Кагирхой гӀулакхех йола республикера керттера моттиг яр царна гӀо деш хиннар», - дийцар тха газетага.

Министерствонна кулгал деча Малсаганаькъан Адама баркал аьлар доакъашхошта, цу тайпара гӀулакх хьаллацарах. Цо белгалдаьчох, цхьаькха из санна дола ловзар гурахьа дӀадахьа лерхӀ вайцига, Дала аьннадале.