2026-ча шера наькъий къаман проектех дийцар мехка
Вахаре лоархӏамеча гӏулакхех йолча къаман проектага гӏолла, укх шерарча ялх бетта дӏабихьача балхах дийцар вай мехка. Ялх моттигера наькъаш тоадеш, доккхий хувцамаш деш, къахьегаргда республике.
«Таханарча дийнахьа боккха болх дӏабихьа, лакхача боараме тоабаь латт «Сурхотӏе-Алхасте» яха 12 км никъ, иштта Илдарха-Гӏала–Яндаре» яха 11,6 км йола никъ. Белгалде деза уж шаккха никъ лоархӏаме, дукха машинаш дӏа-хьа лелаш болга.
«Шолжа-Шахьар-Горагорск-Магӏалбик» яха Энгельса цӏерах болча урамерча наькъ тӏа асфальт ӏобуллаш, гӏашлой никъ тоабеш бола болх чакхбаьккха бала боахк болхлой. Укх шерарча гуйран бетта паргӏатта дӏа-хьа лела йиш йолаш хургда из доазув. Магӏалбикерча 2,4 км. Нурадиловгӏар цӏерах болча ураме наькъашкара бокъонаш белгалъеш йола гӏармаш оттаеш, наькъа юкъе басарашца къоастам беш, боахк карарча хана», - йоах «Сердалога» мехкарча Паччахьалкхенгара бенача хоамо.
Дӏахо кхы а кхо моттиг чулоацаш балхаш да, дӏадоладе дезаш. Цу юкъе да «Магӏалбик- Махьмад-Хитӏе», «ГОК Гӏайрбик-Юрт- Соагӏапче» , «Шолжа-Шахьар-Горагорск- Магӏалбик» яха наькъаш».
