ГӀалгӀай мехка новкъостал ду, СВО бейнача бӀухой дезалашта
23.12.2024 09:51
ГӀалгӀай Республикан «Даьхен лорбой» ганза массахана кхоачашду ЛаьрххӀача операце доакъашхой дезалий хьашташ, цу юкъе цига бейнача бӀухой гаргара нах а болаш.
Укх деношка цар новкъостал дир бӀухочун даьна дарба де.
«Горчхананаькъан Тархана, Илдарха-ГӀалан дарбанче шийна дарба дар дехар цар сиха теркалдир. Вахарца бувзабенна болх дӀахьоча болхлочо? эшаш мел дола каьхаташ Ӏалаш а даь, цул тӀехьагӀа дарбанче вахар из.
Цу тайпара, неврологе отделене из Ӏовужавир массехк ди хьалха», - аьлар «Даьхен лорбой» ганза филиала кулгалхочун гӀончас Новрбенаькъан Фаринас.
Цо яхачох, Горчхананаькъан Ӏалихан велар, лаьрххӀа йола операци дӀахьош. Даьхе бахьан долаш ший са Ӏодилла кийча волаш, из моастагӀчоа духьалъоттарах цунна елар Денала орден.
