Ший лоӀаме кӀалкхетаргах латарах дунен хьалхале яккхара яхьашка дошув даьккха вай мехкахо белгалвир
11.11.2024 09:22
Къамашта юкъерча, мехкашта юкъерча яхьашка котбаьннараш белгалбир вай мехка. Физически культурахи спортахи йолча Министерствон кулгалхочо баркал кхайкадир укх наькъа, ший лоӀаме кӀалкхетаргах латарах йолча яхьашка котваьнна, дошув денача Хоаной Мухьмад-Башира.
Из хоам «Сердалога» бир цу моттигера. «Грамота, ахчан совгӀат делар хьакима къонача спортсмена. ДӀахойодача хана а толамаш доахаш, ший гӀулакх ма хулла тоадеш, дӀаваха даькъалавийцар из Белхарой Руслана», - йоах тха газетага кхаьчача хоамо. Хьакима белгалдир, тахан спортсмена мехка дена дошув дукха къахьегам тӀехьа латташ долга.
