ГӀалгӀай мехка белгалбоах спорта болхлой
ГӀалгӀайче каст-каста спортивни даькъ тӀа толамаш даьхарашта совгӀаташ тел. Иштта моттигерча спорта Министерстве совгӀаташца белгалбир, физически культура наха езайолийташ бола болх дӀабахьарал совгӀа, из кхы а лакхагӀча боарам тӀа баьккха нах, яхаш, дийцар «Сердало» газетага из болх вӀашагӀбеллараша.
«Керттерча спортивни гӀулакха кулгалхочо, лакхара совгӀат делар Олимпийски чемпиона, спортивни латара Федераце вице-президента болх дӀахьош волча Манкенаькъан Назира; Россе эллиной-румий латара ондаргий тоабан тренера Манкенаькъан Бек-хана, грамота луш, спорта министра Белхарой Руслана белгалдир, цу спортсмена ший мел дола хьинар, Ӏомадеш долча берашта дӀалуш хилар».
СовгӀаташ деннарашта юкъе бар халкъашта юкъерча класса дзюдох вола спорта мастер Арсмаканаькъан Адам, ший лоӀамеча латара Европа чемпион Арсмаканаькъан Ахьмад. Белхарой Руслана яхачох, цар доккха дакъа юкъедахь тайп-тайпара спортивни болх дегӀабоалабеш, уж юстара хилац, моллагӀа дола декхараш кхоачашде дезача хана.
