Туристашта керда никъ хьабийллаб вай мехка
15.08.2024 11:52
Туризм йоаржаергйола, хьаьшашта лаьрхӀа керда никъ хьабийллаб республике. Из хоам «Сердалога» бир туризмах йолча комитета болхлоша.
«Шамала Гув тӀа бодаш керда никъ хьабийллар мехка. «Туризм, хьаьша тӀаэцарца дувзаденнараш» яхача къаман проектага гӀолла дӀабихьаб из беркате болх», - йоах тхога кхаьчача хоамо.
Исторе лоархӀаме моттиг дӀалоацаш бола из гув, мехка тӀалаттача туристаша массахана хетташ бар. Из бахьан долаш, дикка тоабе беза аьнна, къоастабаь бар цунна тӀабода никъ.
