24 шу даьннача вай мехкахочун вахар хаьдар, тӀема операци дӀахьоча
01.08.2024 18:59
Донбассе дӀахьоча тӀема операцен доакъашхо хиннача вай майрача, деналах визза хиннача бӀухочун, Илдарха-ГӀалий тӀа ваьхача Йовлой Рашида вахар хаьдар, Даьхен гӀулакха латташ.
«ВоӀ кхелха, халача хьале эттарий оагӀув хьаллаца баха хилар Къаман Гуллама кулгалду ТӀумхой Мухьмад, республикерча паччахьалкхен доакъашхой, иштта кхыйолча моттигашкара хьакимаш.
ВоӀ воацаш бисача наьха дог тедеш, цар оагӀув хьаллоацаш, къамаьл дир хьакимаша», - йоах «Сердалога» бенача хоамо.
Мехкадас Келаматанаькъан Махьмуд-Ӏаьлас тӀадиллад; бӀухочун цӀагӀарча наха мел эшаш дола гӀо де, цар гӀулакхашка хьожаш хила, аьнна.
