СВО доакъашхо Вешкаранаькъан Заьлмаха тӀавола баннераш хьалъэхкар республике
Украинерча тӀема операцен юкъе вахар хаьдача Вешкаранаькъан Заьлмахий сурт тӀалатта кӀадаш хьалдийттад республикерча моттигашка. Из хоам «Сердалога» бир «Даьхен лорбой» яхача ганза филиала болхлоша.
«Шахьара болхлоша, «Даьхен лорбой» яхача ганза республикерча филиало, доалахьарча хӀаман министерствос цхьана дӀабихьа болх ба из. Даьхен гӀулакха лаьттача бӀухой цӀераш массахана дагалоаттаергья бахархоша ишттача наькъаца», - йоах тхога кхаьчача хоамо.
Вешкаранаькъан Заьлмаха мугӀарера огнемётчик волаш тӀом беш хиннав. Терроризм яхача зулама духьала дӀайихьача операценна юкъе дакъа лацарах, денал, майрал белгалдеш йола майдилгаш енна вар из.
Денала орден луш хаьдар майрача бӀухочун вахара никъ. ЦӀен-нана, пхи бер дисад Заьлмахий. Царна юкъе ба дешархой, студенташ, берий беша ухараш.