ГӀалгӀай къаман
юкъара газет

Кердадараш

Керттера доаца, бераш дегӀакхувла Ӏилмаш хьехаш бола хьехархой даькъалабувц

ГӀалгӀайчен паччахьалкхен кулгалхочо, Ӏилмани дешареи министра Боканаькъан Аьсета профессиональни цӀайца даькъалабувц крттера доаца Ӏилмаш хьехаш бола хьехархой. Из ди хӀара шера Россе ардара бетта 8-ча дийнахьа белгалдеш да.

«Дешарал совг1а берашта цхьацца х1ама 1омадеш, хьехам луш бола болх - из берий мукъа ха нийса дӀаяхьар да, хьалхарча аргӀагӀа, даьй-ноаной паргӀато я, шоай бераш мукъа ха пайдане дӀахьош долга ховш хиларах, хӀаьта керттердар - берашта шоашта ховш дар дӀадала а, царна ховш дар гучадаккха а могаш болча говзанчашца хилар а да. Карарча шера ГӀалгӀайче цу тайпарча балха таронаш дукхагӀа яржаш йоагӀа. «Дешар» яхача къаман проекта чуйоагӀаш, цу гӀулакха вайцига дешара модельни центр хьайийллай берашта хьехам балара, иштта болх беш я таьрахьий дешара «ӀТ-клуб», из а республикан берашца тӀехьара тӀа беш бола болх лакхбара лаьрхӀа я. Эггара чӀоагӀагӀа тахан ишколашка юкъеяьннар я спортивни секци. Оаха дӀахо а таронаш хьакхолларгья я культуран, спорта даькъ тӀа. Уж юкъарча дешара моттигашка, дукхагӀча даькъе юрташка, зӀамигача шахьарашка хургья. Цо таро хулийтаргья бераш дегӀадоаладе, царех лерттӀа нах бе», - аьлар Боканаькъан Аьсета, ше хьехархошка кхайкарал деш. Цу тайпара дӀахьош долча дешара даькъ тӀа, хьехархоша даим шоай профессиональни говзал лакхъю, кердадараш юкъедоах, вай тӀехьенна безамца уж дӀалу, берий начӀал гучадоахаш, уж дегӀабоалабеш.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде