Кхааш ийдара духьала де дезарех дийцар республике
Духьале лоаттаеча моттига болхлошца кхетаче хилар, Даьла духьа гӀо деш лелача кагирхой. Дувца оттадаь керттера дош,- кхааш ийду гӀулакх хоададаь дӀадоаккхаргдолаш, юкъедоаладе дезараш. Из хоам «Сердало» газетага бир кхетаче вӀашагӀъеллараша.
«Кагирхой гӀулакхех йола комитети республикан паччахьалкхеи хьалхаэтта, дӀайихьа кхетаче яр из. Цо юкъеэзар юкъара, политически балха тӀа дика къахьегаш бола, гӀо деш лела кагирхой», - йоах тхогарча хоамо.
ВӀашагӀкхетаре дийцар, кхааш ийдара духьала къовсам лоаттабе безарах, наха юкъе цу гӀулакхо доаржадеча вонах.
Цу оагӀонца дувзаденна массехк хаттар доашхаш, къамаьл дир гулбеннараша. Царна юкъе дар: малагӀа оагӀув ба кхааш ийдаро толхабер?, малагӀа зулам да вай мехка цо дер?, хӀана даьккхад вай мехкахоша кхааш телара гӀулакх селлара маьрша?, малагӀа къовсам ба цу вон духьала дӀабахьа безар?
