«ТӀаргам» яха ерригача Россе кагирхой кхетаче, ший болх дӀахьош я мехка
«ТӀаргам» яха йоккха ерригача Россе дешара кхетаче я вай мехка дӀахьош. Укх шера цо гулвир Россе 54 моттигера 160 начӀал дола доакъашхо. ХӀаравар цхьацца декхар долаш вар царех: мехка хоза моттигаш йовза, шоай кхетам лакхбе, цхьацца проектех дувца.
«Укх шерарча цхьанкхетаро чулаьцараш - кагирхой туризм йоаржаяр, кхоанарча вахарцара технологеш; кагирхой шоай Даьхе езаш, цунцара лерхӀам лорабеш ураоттабар», - дийцар «Сердалога» цу моттигера.
Ерригача Россе моттигашкара хьинар дола кагирхой ба кхетачен 17-ча бӀало гулбаьраш. Шоай проекташ йоаржае, гранташ яхара тӀехьа къахьега аьттув ба доакъашхой. 4 миллион сом ахча да ганзо чулаьцар, эггара лакхера грант 500 эзар сомага кхоачаш я. Доакъашхошта мехкарча гӀалашта юхе лекцеш ешаш, лоаман хозача моттигашка хьажа ухаш, тайп-тайпара ловзараш, викторинаш, экскурсеш чулоацаш я кхетаче. Цун доакъашхой тӀабаьлар Маьтлоам тӀа.
«ТӀаргам» яха гуллам кагирхоша дӀа-хьа пайда эца, дукха хӀама Ӏомаде, доаржаде йиш йола моттиг я.
