Вайцига дӀахо а меттаоттаеш я хьу
«Хьунаш лораяр» яхача моттигерча, «Экологически таро» яхача къаман проектех, 2026 шера хьу меттаоттае лаьрхӀад 140 гектара тӀа, аьлар ГӀР Кулгалхочун зарбан болх лелабераша.
«ГӏалгӀайчен хьу меттаоттаяр, Ӏалама йоакхо еш хиларал совгӀа, из чӀоагӀдар, бахархой вахара дикал лакхъяр да. Из лоархӀаме гӀа боаккхаш хилар а да, Россе Президента баьццарча доазон майда йоккхагӏа хилийта, аьнна, хьалхашка оттадаь декхар кхоачашдеча. 2019 шера денз 2025 шерга кхаччалца, къаман проект кхоачашъеш, республике меттаоттаяьй 570 совгӀа гектар хьунаш», - аьлар мехка кулгалхочо Келаматанаькъан Махьмуд-Ӏаьлас.
Цу балха чудоагӀаш да тайп-тайпара балха лостамаш. Цхьа дакъа искусственни хьу меттаоттаяра лаьрхӀа да. ЛаьрхӀар кхоачашдара бӀаьш килограммаш фу Ӏалашдаьд, из болх дӀахьоргба 420 гектар долча лаьтта.
«Экологически таро» яха къаман проект хургья 2030 шерга кхаччалца, цо таро лу эшача лорае, хьу меттаоттае, хьун фу деба, фо цӀенде, наггахьа мара дисадоаца хьайбаш лораде. Из деррига ГӏалгӀайченна лоархӀаме а, эшаш а да, цунца кхоачашду экологически кхерамзлен хьал.
