ГӏалгӀай мехка дӀахьоргья «ПРО.Блог» яха лоархӀаме кхетаче
02.06.2025 19:14
Магасе аьтинга бетта 3-4-ча деношка дӀахьоргья «ПРО.Блог» яха кхетаче, цига гуллургва ерригача Къилбаседа Кавказера 100 блогер, яхаш, хоам бу ГӏалгӀай Республикан Кулгалхочун, Паччахьалкхен зарбан болх лелабераша.
ГӏалгӀайчен Кулгалхочо Келаматанаькъан Махьмуд-Ӏаьлас ше тешаш ва аьлар цу кхетаче дукха пайда луш хӀама хургда, аьнна; тахан лоархӀамегӀа дола медиа хаттараш цига дувца йиш хиларах.
«Тахан медиа - из духхьал хоам хинна Ӏац, из боккха бехктокхам ба. ЛоархӀаме да хоамий майда хьакхоллар, цига вӀашагӀтох нах, царна тешам чубоссийт», - аьлар цо.
Кхетаче дӀахьоргья таьрахьий дегӀаахара Академе даькъ тӀа.
