Гӏалгӏайче дӏахьоргья «ЭтноКемп: дегӏаахара доазув» яха кхетаче
Гӏалгӏайчен Миннаца кулгалхочун Мизенаькъан Руслана вӏашагӏкхетар хилар «ЭтноКэмп: дегӏаахара доазув» яхача Ерригроссийски кагирхой дешара цхьанкхетара кулгалхочунца Байц Валереца. Цига дувца оттадаь хаттар дар цу вIашагIкхетара накъадолхаш кийчо яр. Из дӏахьоргья тов бетта 19-ча денгара 24-ча денга кхаччалца Гӏалгӏайчен «Ӏарамхи» яхача курорта даькъ тӏа. Карарча шера «ЭтноКэмпа» болх бувзабенна ба Россе халкъий цхьоагӏон Шу хиларца.
«Проекта керттера декхар да вай мехка дахача къамий культура, ӏадаташ доаржадар, иштта кагирхошта юкъе халкъашта юкъера къамаьл хилар. Дешар а ӏомадаьр кӏоаргду болх а бекъаргба кхаь даькъа - «ЭтноХалхар», «ЭтноХоамаш», «ЭтноБизнес». Цу кхетачено таро лу шоайла пайда эца, лоархӏаме проекташ хьакхолла», - аьлар «Сердало» газетага Мизенаькъан Руслана.
Гӏалгӏай мехка воагӏаргва Россе тайп-тайпарча моттигашкара 45 къона кулгалхо. Из болх вӏашагӏболлараш а, говзанчаш а, эксперташ а дӏалаьрхӏача; уж ба 65 сагал кӏезигагӏа боацаш.
Гӏалгӏайчен Миннаца кулгалхочо аьлар, «ЭтноКэмп: дегӏаахара доазув» дика моттиг я кагирхой къамаьл хилара, Россе юкъара цхьоагӏо чӏоагӏъяра.
