ГӏалгӀай мехка дӀахьоргья «Тӏаргим-2025» оала кхетаче
«Мужече» яхача спортивно-Ӏомабалара йолча центра даькъ тӀа дӀахьоргья «Тӏаргим-2025» оала кхетаче, цо вӀашагӀтохаргва ший майдан тӀа 200 саг кагирхой, уж Россе тайп-тайпарча моттигашкара ба.
Кхетачено гойтаргья дика вӀашагӀъелла программа, цунна чуйоагӀаш я йиъ оагӀув: кагирхой туризм, доалахьара хӀама хьадар, патриотически кхетам балар, хургдолчун технологеш.
Доакъашхой таро хургья говзанч-хьехамашка гӀолла дукха кердадараш довза, иштта культуран кхетаченашка дакъа лаца, мехка хозача моттигашка баха таро хургья.
Цу гуллама керттера дакъа да- вахара проектех гранташ луш хилар, уж вӀашагӀъехкай Ерригроссийски кхетачен компанешта лаьрхӀа. Доакъашхой къовсаме бала безаш ба гранташ яхара, цхьан гранта мах - 500 эзар сом, из ахча луш да цар лаьрхӀар кхоачашдара.
ГӏалгӀайчен Кулгалхочо Келаматанаькъан Махьмуд-Ӏаьлас белгалдир, из кхетаче кагирхошта лоархӀаме хилар.
«Со тешаш ва, гулламо новкъостал дергда хӀара доакъашхочун начӀал хьагойта, хӀаьта ГӏалгӀайченна хьаьша тӀаэца харо, культуран мах бараш дукха хиларо из кхетаче йицлургйоацарех ергья», - аьлар цо.
