«Керда театральни проект кийчъеш, дукха къахьега дезаш хул театра тоабан. Хьажа баьхкарий дог ураоттадеш, царна сакъердам боаккхаш из спектакль хургйолаш, шоай еррига говзал юкъейоалае езаш хул актёраш. Хьинаре кийчо еш кхест уж таханарча дийнахьа», - аьлар «Сердало» газетага театре.

Режиссёр-оттаяьр Ахкилганаькъан Фатима я. Керда ролаш ловзае, бокъонца долаш санна хьажархошта из духьалдахьа Ӏомавала атта дац. Кердача спектаклацара болх цар мишта вӀаштӀехьабаьннаб ховргда вайна, спектаклага хьажа гулделча.