Экстремизма духьалара кхетаче дӀахьоргья мехка
24.06.2024 13:05
«14 шу даьлча зуламхо хургвоацаш, Ӏаьдала бокъонаш лораеш вахар» яха кхетаче дӀаяхьа лерхӀ Магасе. Из хоам «Сердалога» бир кагирхой политикахи туризмахи йолча комитета зарбан болх лелабеча ГӀулой Аминас.
«Укх бетта 26-ча дийнахьа гӀо деш леларий моттиге гуллургба Ӏаьдала болхлой, дешархой, паччахьалкхен университетера студенташ, иштта кхыбараш. ВӀашагӀкхетаре, дӀа-хьа пайда эцаш, дувцаргда терроризм, экстремизм яхача доккхача зуламашта духьала къовсам лоаттабарах, кхувш латта тӀехье цу бӀехача гӀулакхах лораярах»,- дийцар тхога.
